ಶ್ರೀದತ್ತಾಪರಾಧಕ್ಷಮಾಪಣಸ್ತೋತ್ರಂ

 

ಶ್ರೀದತ್ತಾಪರಾಧಕ್ಷಮಾಪಣಸ್ತೋತ್ರಂ

ದತ್ತಾತ್ರೇಯಂ ತ್ವಾಂ ನಮಾಮಿ ಪ್ರಸೀದ ತ್ವಂ ಸರ್ವಾತ್ಮಾ ಸರ್ವಕರ್ತಾ ನ ವೇದ .

ಕೋಽಪ್ಯಂತಂ ತೇ ಸರ್ವದೇವಾಧಿದೇವ ಜ್ಞಾತಾಽಜ್ಞಾತಾನ್ಮೇಽಪರಾಧಾನ್ ಕ್ಷಮಸ್ವ .. 1..

 

ತ್ವದುದ್ಭವತ್ವಾತ್ವದಧೀನಧೀತ್ವಾತ್ತವಮೇವ ಮೇ ವಂದ್ಯ ಉಪಾಸ್ಯ ಆತ್ಮನ್ .

ಅಥಾಪಿ ಮೌಢ್ಯಾತ್ ಸ್ಮರಣಂ ನ ತೇ ಮೇ ಕೃತಂ ಕ್ಷಮಸ್ವ ಪ್ರಿಯಕೃನ್ಮಹಾತ್ಮನ್ .. 2..

 

ಭೋಗಾಪವರ್ಗಪ್ರದಮಾರ್ತಬಂಧುಂ ಕಾರೂಣ್ಯಸಿಂಧುಂ ಪರಿಹಾಯ ಬಂಧುಂ .

ಹಿತಾಯ ಚಾಽನ್ಯಂ ಪರಿಮಾರ್ಗಯಂತಿ ಹಾ ಮಾದೃಶೋ ನಷ್ಟದೃಶೋ ವಿಮೂಢಾಃ .. 3..

 

ನ ಮತ್ಸಮೋ ಯದ್ಯಪಿ ಪಾಪಕರ್ತಾ ನ ತ್ವತ್ಸಮೋಽಥಾಪಿ ಹಿ ಪಾಪಹರ್ತಾ .

ನ ಮತ್ಸಮೋಽನ್ಯೋ ದಯನೀಯ ಆರ್ಯ ನ ತ್ವತ್ಸಮಃ ಕ್ವಾಪಿ ದಯಾಲುವರ್ಯಃ .. 4..

 

ಅನಾಥನಾಥೋಽಸಿ ಸುದೀನಬಂಧೋ ಶ್ರೀಶಾಽನುಕಂಪಾಮೃತಪೂರ್ಣಸಿಂಧೋ .

ತ್ವತ್ಪಾದಭಕ್ತಿಂ ತವ ದಾಸದಾಸ್ಯಂ ತ್ವದೀಯಮಂತ್ರಾರ್ಥದೃಢೈಕನಿಷ್ಠಾಂ .. 5..

 

ಗುರೂಸ್ಮೃತಿಂ ನಿರ್ಮಲಬುದ್ಧಿಮಾಧಿವ್ಯಾಧಿಕ್ಷಯಂ ಮೇ ವಿಜಯ ಚ ದೇಹಿ .

ಇಷ್ಟಾರ್ಥಸಿದ್ಧಿಂ ವರಲೋಕವಶ್ಯಂ ಧನಾನ್ನವೃದ್ಧಿಂ ವರಗೋಸಮೃದ್ಧಿಂ .. 6..

 

ಪುತ್ರಾದಿಲಬ್ಧಿಂ ಮ ಉದಾರತಾಂ ಚ ದೇಹೀಶ ಮೇ ಚಾಸ್ತ್ವಭಯ ಹಿ ಸರ್ವತಃ .

ಬ್ರಹ್ಮಾ-ಽಗ್ನಿ-ಭೂಮ್ಯೋ ನಮ ಓಷಧೀಭ್ಯೋ ವಾಚೇ ನಮೋ ವಾಕ್ಪತಯೇ ಚ ವಿಷ್ಣವೇ .. 7..

 

ಶಾಂತಾಽಸ್ತು ಭೂರ್ನಃ ಶಿವಮಂತರಿಕ್ಷ ದ್ಯೌಶ್ಚಾಽಭಯಂ ನೋಽಸ್ತು ದಿಶ ಶಿವಾಶ್ಚ .

ಆಪಶ್ಚ ವಿದ್ಯುತ್ಪರಿಪಾಂತು ದೇವಾಃ ಶ ಸರ್ವತೋ ಮೇಽಭಯಮಸ್ತು ಶಾಂತಿಃ .. 8..

 

 ..ಇತಿ ಶ್ರೀವಾಸುದೇವಾನಂದಸರಸ್ವತೀವಿರಚಿತಂ ದತ್ತಾಪರಾಧಕ್ಷಮಾಪಣಸ್ತೋತ್ರಂ ಸಂಪೂರ್ಣಂ ..

sairam 

Manjunath harogoppa